Parabéns ás gañadoras e gañadores e moitas
grazas a todos os que participastes que fostes moitos e escribistes uns poemas e relatos moi bonitos o que fixo a escolla ben difícil.
Textos gañadores do noso centro no concurso
de microrrelatos e micropoemas 2020.
Nas categorías A1 (1º ciclo) A2 ( 2º ciclo) e
A3 (3º ciclo).
Serán publicados no libro
“VII Festa das Palabras”
Hoxe é un día xenial,
estar na praia mola. Abrazada ao cabelo do sol
escoito bater as olas,
coa música alegre
da xente boa.
Valeria
Esmorís García 2º curso.
A2
A miña nai.
A miña nai.
O teu cabelo
na
miña cara,
o teu sorriso,
unha mirada
e un bico.
Xabier
Fernández Luna 4ºcurso
A3
O Cabelo de ouro
O teu sorriso,
os teus xogos,
a túa alegría
e soños.
Cabelo liso,
cabelo louro,
cabelo longo
e de
ouro.
Paula
Piñeiro Lueiro 6ºcurso
RELATOS
A1
Carla, unha nena moi simpática, pediulle aos
seus pais uns peixes porque acababa de cambiar de colexio e non tiña ningún
amigo. Foron a compralos e Carla meteunos na peixeira e xogou con eles todo o
día, e deulles de comer. No cole, Carla coñeceu a unha nena que se chamaba
Lidia e fixéronse moi amigas. Un día Carla deuse conta de que os peixes estaban
tristes e convidou a Lidia a xogar con ela e cos peixes.
Recorda que todos os amigos son importantes.
Lara
Matalobos Soutelo 2º curso.
A2
Lúa
Lúa vivía nunha casa laranxa coa súa familia.
Un día foron de picnic ao parque natural. Sentaron onda unha árbore grande. Ao
pouco apareceu Alex. Non tardou en facerse amigo seu.
Xogaban no bosque cando se deron conta de que
se perderan. Non sabían volver e de súpeto un paxaro cantareiro díxolles como
saír de alí: - C teu nariz Lúa e coas túas orellas Alex.
Entón Lúa empezou a ulir e Alex a escoitar.
Ulía aos papás, á merenda, e oíanse os
nenos correndo detrás da pelota.
Entón a cadeliña Lúa e o gato Alex atoparon á
familia.
Elba
Castro Verde 3ºcurso.
A3
O que lembro
Lembro que o mar ulía a salitre e a alegría.
Lémbrome da auga, da area e do sol do verán.
Lémbrome dos bocadillos de chourizo ao carón
do mar.
Lembro que nadamos, corremos, sorrimos,
merendamos e xogamos.
Lémbrome do chío das gaivotas e dos parasoles
de cores.
Lémbrome do solpor na praia do Cabodeiro.
Lembro que o meu amigo me pareceu un tesouro.
Lembro que ti e máis eu pescamos un cangrexo rebuldeiro.
Lembro que quería que aquel tempo nunca se
acabara.
Manuel
García Madriñán 6ºcurso.
Ningún comentario:
Publicar un comentario